Os grupos en Moodle son unha ferramenta para organizar ao alumnado dentro dun curso ou en actividades concretas. Serven para:

  • Facilitar a xestión do curso, permitindo dividir estudantes en grupos.
  • Asignar actividades ou recursos específicos a cada grupo.
  • Controlar a interacción, especialmente en actividades colaborativas.
  • Consultar a participación e entregas por separado.

Tipos de grupos

En Moodle podes escoller entre tres modos para xestionar os grupos:

  • Sen grupos: todo o alumnado traballa de forma individual.
  • Grupos separados: cada estudante só pode ver e participar no seu propio grupo.
  • Grupos visíbeis: os estudantes poden ver todos os grupos, pero só poden interatuar no seu.

Como se configura?

O modo de grupo pode definirse:

  • A nivel de curso: nos axustes do curso escolle o modo desexado:

Na opción de "Forzar o modo de grupo" se escolles "si" todas as actividades créanse co modo de grupo escollido e non poden cambiarse.
  • A nivel de actividade: ao crear ou editar unha actividade, busca a opción de configuración común do módulo e selecciona o modo que prefiras:




Como se crean os grupos?

  • Accede ao curso e vai á sección "Participantes".
  • Selecciona "Grupos" no menú despregable:


  • Preme en "Crear grupo". Tes que completar os seguintes parámetros:


    • Nome do grupo.
    • Descrición (opcional).
    • Chave de matriculación (se queres que os estudantes se unan por chave).
    •  Visibilidade dos membros do grupo: define quen pode ver os grupos e aos seus membros. Ofrece catro posibilidades:
      • "Visíbel por todos" (todos os participantes poden ver o grupo e aos seus membros).
      • "Visíbel só para os membros” (o grupo e os seus membros só poden ser  vistos polos propios membros do grupo).
      • “Ver só propia pertenza” (o estudante só pode ver os grupos aos que pertence e non ve os outros membros dos seus grupos).
      • “Agochado” (só o profesor pode ver o grupo e os seus integrantes).
    • Mensaxería en grupo: é posible activar a opción de permitir aos membros do grupo enviar mensaxes a outros membros do grupo na mensaxería.
    • Imaxe identificativa (opcional).
  • Gardar os cambios.

Unha vez creados os grupos, podes engadir os participantes manualmente a cada grupo. Selecciona o grupo no cadro da esquerda e preme en "Engadir/retirar usuarios":


A seguinte pantalla é para xestionar os estudantes dese grupo, no cadro da dereita aparecen os estudantes inscritos na materia e no da esquerda (inicialmente baleiro) os que pertencen a ese grupo. Do que se trata é de seleccionar os estudantes no cadro da dereita a través da opción "Engadir" (podes seleccionar varios):  


Se tes moito alumnado e non atopas algún, podes buscalo no cadro inferior "Buscar".
Cando remates, preme en "Volver aos grupos".


IMPORTANTE: non convén modificar os participantes dun grupo cando unha actividade estea xa cualificada para ese grupo.


IMPORTANTE: existe tamén a opción de asignar os estudantes a grupos de forma automática ou que sexa o alumnado o que escolla grupo. Para máis información sobre estas opcións, consulta as seguintes FAQS.

Como asignar os estudantes a grupos de forma automática?

Como permitir que o alumnado escolla o seu grupo?

Os agrupamentos

Os agrupamentos actúan como un contedor de grupos. Resulta especialmente útil en tarefas con entrega por grupos, sobre todo cando un estudante pertence a máis dun grupo, xa que evita conflitos e facilita a organización.

Para crear agrupamentos:

    Accede ao curso e vai á sección "Participantes".
  • Selecciona "Agrupamentos" no menú despregable:


  • Escolle "Crear agrupamento" e define o nome (a descrición é opcional).
  • Para engadir os grupos que formarán parte dese agrupamento, tes que premer na icona da dereita : 

  • Ao igual que para incluír ao alumnado nos grupos, neste caso tes que seleccionar no cadro da dereita os grupos que van formar parte dese agrupamento e premer en "Engadir":