Como engadir bloques ao curso?

Os bloques son elementos que se colocan no lateral dereito do curso e permiten engadir funcionalidades adicionais, como calendario, avisos, accesos rápidos etc. Son moi útiles para organizar a información e facilitar a navegación do alumnado.

Pasos para engadir un bloque:

• Accede ao curso en MooVi.
• Activa o modo edición na parte superior dereita.
• Preme na frecha da dereita de "abrir o caixón do bloque" (para ocultar os bloques do lateral preme x):

• Preme en engadir un bloque:

• Escolle o bloque que desexas engadir da lista dispoñible (calendario, Avisos recentes, Participantes, Actividades etc.):

• O bloque aparecerá na columna lateral dereita.

Para eliminar un bloque existentes, co modo edición activado, preme nos tres puntos e escolle "Eliminar o bloque X":

Ese bloque sempre vas poder volver engadilo novamente.

Tamén podes mover os bloques de posición, co modo edición activo, escolle as frechas de mover e coloca o bloque onde desexes (lembra que os bloque só aparecen á dereita da pantalla):

Algúns dos bloques existentes son os seguintes:

• Actividade recente: indica os cambios ou contidos engadidos recentemente no curso.
  
• Actividades: mostra todas as actividades e recursos do curso agrupados por tipo (tarefa, foro, cuestionario etc.).
• Calendario: mostra datas importantes do curso, como prazos de entrega ou apertura de unidades. O profesorado pode engadir eventos manualmente. A actividades como tarefas ou cuestionarios engaden as súas datas automaticamente.
• Últimas noticias: mostra os anuncios máis recentes publicados no foro de novas do curso.
• Usuarios conectados: mostra quen está conectado no curso e permite enviarlles mensaxes premendo no icono correspondente. Cada usuario pode ocultar a súa presenza activando a opción do ollo.
• Texto: permite engadir contido personalizado (HTML, texto, imaxes, táboas) mediante o editor. Pódense crear varios bloques deste tipo e modificar ou eliminar o seu título.
• Bolsa de recursos: para copiar recursos e actividades entre materias de MooVi de xeito rápido e sinxelo (máis información na faq "Como funciona o bloque «Bolsa de recursos»?")
• Acción masiva: permite ao profesorado realizar accións nos recursos e actividades dunha materia de xeito simultáneo, en vez de ter que realizar accións repetidas en elementos individuais. (máis información na faq "Como funciona o bloque de «acción masiva»?")