MooVi ofrece diferentes ferramentas para que o profesorado poida facer un seguimento da participación e actividade do alumnado nas materias.

A través dos «Informes» do curso, o profesorado pode observar a actividade do alumnado:


Rexistros

Permite consultar con detalle as accións que realiza cada estudante dentro do curso. Pódese empregar para facer un seguimento individualizado do seu percorrido polas distintas actividades e recursos da materia.

A través dos filtros dispoñibles (grupo, participante, día, tipo de actividade, acción realizada, recurso etc.), podes localizar información concreta sobre:

  • Que estudante accedeu a que recurso ou actividade.
  • Cando o fixo e desde que dirección IP.
  • Que accións realizou (visualización, envío, edición, etc.).
Os rexistros pódense exportar a distintos formatos para analizalos con máis detalle ou gardalos como evidencia:


Rexistros activos

Amosa os rexistros en vivo da última hora, actualízase cada 60 segundos.

Actividade do curso

Amosa o  número de visitas que recibe cada un dos recursos ou actividades do curso e cando foi o último acceso. Podes filtrar os resultados nun prazo de tempo determinado:



Participación no curso

Amosa o número de accións nas actividades do curso, permitindo filtrar por actividade, periodo de tempo, rol dos usuarios/as e acción realizada. Unha vez amosado o informe de participación, permite marcar marcar usuarios/as para enviarlles unha mensaxe:


Finalización de actividades (se está activada)

O informe de finalización da actividade permite consultar o progreso do alumnado dentro dunha materia, amosando que actividades e recursos ten completados cada estudante.

Neste informe reflíctense unicamente aquelas actividades que figuran como finalizadas, tanto se a finalización é automática (segundo as condicións configuradas na actividade ou recurso) como se foi marcada manualmente polo profesorado.

Na parte superior do informe dispós de distintos filtros que che permiten axustar a visualización da información. 

O informe preséntase en forma de táboa, na que se indica, para cada estudante, que actividades ten marcadas como finalizadas dentro da asignatura.

Desde esta táboa, o profesorado pode tamén modificar manualmente a finalización dunha actividade, premendo sobre a cela correspondente. Esta acción require confirmación mediante unha mensaxe na pantalla. Unha vez confirmada, a finalización aparecerá sinalada en vermello no informe. Este cambio será visible tamén para o estudante dentro da materia.

IMPORTANTE: para que as actividades ou recursos aparezan neste informe, é imprescindible que teñan activadas as condicións de finalización na súa configuración. Se unha actividade non ten definida ningunha condición de finalización (nin automática nin manual), non se mostrará no informe de progreso.

Gráfico de cualificacións

Para obter a distribución gráfica das cualificacións no curso. Permite filtrar por grupos.

Completado de curso

A finalización do curso permite establecer cando unha materia se considera completada por parte do alumnado, en función dos criterios definidos polo profesorado. Esta funcionalidade é especialmente útil para facer seguimento do progreso global, emitir informes ou comprobar se un estudante cumpre os requisitos mínimos da materia. 

Para poder utilizar a finalización do curso, é necesario configurala previamente nos «Axustes» da materia. En concreto, cómpre activar o seguimento de completado:


Unha vez activado o seguimento de completado no curso, poderás definir as condicións necesarias para que o curso se marque como finalizado:


Estas condicións poden basearse, por exemplo, na finalización de determinadas actividades ou recursos, ou nunha combinación de varios criterios. O estado de finalización do curso poderá consultarse posteriormente nos informes de finalización, tanto por parte do profesorado como do alumnado, sempre que se cumpran as condicións establecidas. 

IMPORTANTE: para que a finalización do curso funcione correctamente, é imprescindible que existan actividades ou recursos con condicións de finalización activadas dentro da materia. Se non hai ningún elemento cunha condición de finalización definida, o curso non poderá marcarse como completado.