Como restaurar unha copia de seguridade?
Requisitos do completado
Para recuperar os contidos dunha copia de seguridade descargada previamente sigue estes pasos:
- Accede á materia en MooVi do curso actual na cal queres restaurar os contidos da copia.
- Desde a materia, desprega a opción «Máis» do menú superior e selecciona «Reutilizar o curso»:
- Na seguinte pantalla, no despregable escolle «Restaurar»:
- Esta opción leva a unha páxina desde a cal podes escoller o ficheiro .mbz da copia de seguridade que tes almacenada no teu ordenador. Premendo no botón “Escolla un ficheiro...”, selecciona o ficheiro da copia que desexas recuperar. Tamén podes arrastrar e soltar o ficheiro á área corresponte:
Cando estea subido, preme en «Restaurar»”:
- Na seguinte pantalla aparece aparece un informe do que contén a copia de seguridade, preme no botón inferior «Continuar».
- No paso «Destino» debes seleccionar se queres eliminar o contido do curso actual antes de restaurar a copia de seguridade ou se queres fusionar ambos contidos:
IMPORTANTE: se xa tes contido que queres conservar na materia do curso actual, debes escoller "fusionar a copia de seguridade do curso con este curso". Unha vez realizada a restauración, revisa que o foro de avisos non estea dupricado. No caso de que non teñan ningún contido, e na copia que vaias restaurar
xa exista un foro de anuncios, escolle "Eliminar o contido do curso
actual e após restaurar" para evitar dupricalo.
Preme no botón «Continuar» para continuar co proceso.
A partir de aquí preme no botón de «Continuar» e «Seguinte» ao longo dos distintos pasos ata que apareza a opción «Executar a restauración» no paso 5.
Unha vez rematado o proceso, aparecerache unha mensaxe indicando que a restauración foi realizada correctamente. Premendo en «Continuar», volves ao curso no que deberías ter restaurados os contidos.
Se queres saber como realizar unha copia de seguridade dunha materia, consulta a faq "Como realizar unha copia de seguridade dun curso?".