Como realizar unha copia de seguridade dun curso?
A diferenza de cursos anteriores, este curso o profesorado que desexe reutilizar os contidos de cursos anteriores, terá que realizar unha copia de seguridade da materia do curso pasado e restaurala no MooVi do curso actual.
Ten en conta que as materias dos cursos 2022/23, 2023/24 e 2024/25 están aloxadas na páxina:https://moovi2022-2025.uvigo.gal
Pasos:
- Realizar a copia de seguridade no MooVi do curso académico que corresponda.
- Descargar esa copia de seguridade ao teu equipo.
- Subila e restaurala no MooVi do curso académico actual.
Para realizar unha copia de seguridade sigue estes pasos:
- Accede á materia en MooVi na máquina de histórico correspondente. Entra no espazo da materia da que desexas realizar a copia de seguridade.
- Desde a materia, desprega a opción «Máis» do menú superior e selecciona «Reutilizar o curso»:
- Na seguinte pantalla, no despregable da esquerda escolle «Copia de seguridade»:
Podes realizar unha copia completa da materia ou de parte do contido.
- Se queres copiar todos os contidos, fai clic en «Saltar ao último paso»:
Agarda a que saia a mensaxe "Creouse correctamente o ficheiro de copia de seguridade".
- En caso de só querer copiar certos contidos do curso, preme en «Seguinte» e selecciona os elementos que desexas incluír na copia. Fai clic en «Seguinte» ata completar o proceso.
- En "Área da copia de seguridade privada de usuario" aparecerá o ficheiro .mbz da copia, preme en «Descargar» para almacenalo no teu ordenador:
Para borralas, debes seleccionar o botón inferior "Xestionar os ficheiros de copia de seguridade" na "Área da copia de seguridade privada de usuario":
Na fiestra que se abre, aparecen os ficheiros das copias realizadas, ao premer sobre o ficheiro aparece a opción «eliminar»:
Por último, unha vez borrada, preme en «Gardar os cambios».
Se desexas saber como restaurar esa copia de seguridade nunha materia do curso actual, consulta a faq "Como restaurar unha copia de seguridade?".