As restricións de acceso permiten controlar cando e para quen está dispoñible un recurso ou actividade dentro dun curso. Grazas a estas opcións, podes definir condicións específicas que deben cumprirse para que o alumnado poida acceder.

Que tipos de restricións se poden aplicar?

En Moodle podes combinar diferentes criterios, como:

  • Data: abrir ou pechar o acceso nun período concreto.
  • Cualificación: requirir unha cualificación mínima ou máxima nunha actividade anterior.
  • Perfil de usuario: aplicar condicións segundo campos do perfil (por exemplo, cidade, departamento).
  • Realización da actividade: obrigar a completar previamente outra tarefa ou cuestionario.
  • Grupo ou agrupamento: permitir acceso só a membros dun grupo específico.
  • Conxunto de restricións: combinar varias restricións cunha lóxica AND/OR.

Como se configuran as restricións de acceso?

1. Accede á actividade ou recurso.

2. Preme en Editar axustes.

3. Vai á sección Restrinxir o acceso:


4. Engade as condicións que precises (podes engadir varias e combinalas):


5. Garda os cambios.

>Para que se usan habitualmente?

  • Controlar a secuencia do curso (por exemplo, non acceder á unidade 2 ata completar a unidade 1).
  • Adaptar contidos a grupos específicos.
  • Limitar acceso a recursos segundo datas de exame ou prazos de entrega.