No caso de que as clases xa teñan comezado e non teñas acceso as túas materias, comproba que a túa matrícula se atope correctamente actualizada. Se detectas algún problema, deberás poñerte en contacto coa secretaría do teu centro.

Se algunha materia na que estás matriculado/a non aparece en MooVi, pode deberse a algunha das seguintes razóns:

  • As materias créanse ocultas para o alumnado, polo que non che vai aparecer ata que o profesorado as poña visibles.
  • Unha vez teñas accedido a MooVi, debes ir á sección "os meus cursos". Aí aparecen as materias que o profesorado puxo visibles e nas que estás matriculado/a. É importante que te fixes que no filtro, poña "todo":

os meus cursos

  • Se fixeches algunha modificación na túa matrícula,  os datos poden tardar entre 24/48 horas en reflectirse en MooVi.

Se ningún destes supostos explica a túa situación, contacta co servizo de soporte de MooVi a través do enderezo electrónico soporte.moovi@uvigo.gal. Lembra incluír os teus datos persoais (nome, apelidos, documento de identidade), o grao ou máster no que estás matriculado/a, o código das materias que non aparecen e, de ser o caso, o grupo correspondente.